從天而降的40億.....債務

我一向都有睇書的習慣，但很少會有強列的讀後感，40億債務雖然是YEN，但對回港紙亦有二千多萬，不是小數目，而當事人身處環境及經驗當時亦未可應付，硬接了整件事，有幾篇不禁考量自己是否能處理相同問題，非常值得一睇這本書

成功方法有很多，機遇，努力，運氣，人緣等等，別人分享成功固然拍掌，獲益也多，但分享難關及處理方法的人卻很少，失敗有什麼好看，書中內容我不透露有興趣自己一睇，最後當事人是成功了，雖然方法不是完美，也沒有所謂完美，但他當年當時只有AB兩條路，就只有繼續向前行，鞭策員工為自己還債，相當爭紮可怕的經歷

很多創業家都經過無數困難才可上成功，成功非一朝，但困難卻日日新鮮，互勉之

AM組合12月 + 準備聖誕

又到聖誕，又到聖誕
又黎到每年最開心既時間，買禮物收禮物，比農歷新年更令人期待更興奮
上年手多多整斷左棵聖誕樹，今年要買過，突然子華神上腦：屋企無位 買傢私 ... 買棵大小小 1.8米加禮物加圍欄🤣 實行逼爆個廳
事原我細個見到好高既聖誕樹 （可能人仔細細視角睇乜都大）所以有童年迷思 覺得大棵就好有氣氛啦... 又俾人串 你買大d間屋放半島個棵咪夠大囉... 即時收皮唔插咀... 覆式等下，跌市會有機會，人生滿希望 前路由我創🤣

股市好明顯有個回穩，岩岩升穿下跌通道，企得穩就再加碼入貨，
11月沒有入貨，但全倉回正數，倉位跟上月沒有變
12月基金都放假大市多數都細波幅，無咩好做，最多買晒d spread慢慢等扣血，還是繼續砌聖誕樹吧😂


又抽水講下樓，周街唱淡風，我無興趣去喘測大市走勢，我只想道出物業/租值跟物價通漲好有直接關係，全球通漲中，離開大跌應該還有一段距離。
又有人會話加息啦買樓的人死梗啦！請自行畫出息口走勢及樓市的走勢變化吧，人云亦云不經大腦是不會進步的。
樓市早前盲目叫高盲目接貨拉高成交價，高位回調10-15%也很正常吧。但15%減價盤不會等你買，需要主動尋盤議價。到新樓一開清袋時樓市又會復甦，機會又跑了。

AM自由組合 11月

今個月負面情緒太濃厚，但越負面越應該要做好倉
手多多月中開了兩次港女bull spread ，第一轉中彈后出貨獲利共120點
第二轉見跌后第二日再開大市月底再跌夾死，因為bull spread有封頂 博扣時間血到月底期結都跌 輸240點 埋單合共輸120點

手上股票沒減持 相反405 4.71時再增持 相對息口7.3% 非常吸引
又一城剛派息0.019，即日回購利息部份
其他倉位沒變，加上增持部份，已經追回上月一半跌幅，反正都係長期持有，股價越低反而更有利增持

有幾個朋友問，都係最多的問題：你現在買入不怕跌嗎？不是全世界都看淡兩萬二嗎？
答案大致都一樣，當出現比手上更吸引的派息股份時，例如我手上平均6%息，405 有7.3%， 把它加入組合是非常合理，如果再跌就再入，對於收息派，我是買入他的派息能力，而非股價。
比喻一個橙提供同樣的維他命C但有時賣$5 有時賣$7 是因為市場供求，$10 3個當然要買多一些，我買的只是派息

以上只屬個人買賣記錄

種田派

又寫個記錄第時可以自己睇番，10月19今日尋底后25000壓彈弓后反彈，之前個2SET HSI SPREAD如可以月尾係25500 樓上，都應該袋袋平安，為NAV跌左小小的收息倉帶來小小正數

未知貿易戰會有什麼結局，都應該兩手準備，下月企得穩26200再步處，或者會開晒LP LC，睇Vol再決定

我都係偏向喜歡種田，炒作賺到的都去買股收息，等派米

而最近都留意到很多朋友將收息的股份都止蝕沽出.....炒賣的做法非常正確，但種田心態或應該調整一下

我有分倉做炒作，有種田倉，倉位大小都不一樣

炒作會食長短浪，可以炒的都大致做過，賺到的都會抽起撥捐種田倉

種田收息一般給人很沒出息，沒見地，沒經驗，不善出入等等，或者應該是大家考量的不一樣

收息倉最完美當然是死人冧樓後開倉，一大筆最完美，但有人會挑戰，那不就浪費了反彈最大的股份，針沒兩頭利，收息只是想要一年7-10%派息回報，回報太高某程度只會增加風險，再者可以分比例買入慢慢用5-10年建倉，先以炒賣賺錢再去種田，急不了

一年7%很不吸引...沒錯，很低回報，但不是忘記波幅，今年2018有多少人負數呢？ 7%不也很好嗎.....

買了田收息就似買了一部賺錢的機器，有時機器會因市況而價格升跌，但你買入的時候已大約知道一年產能是多少，一年收多少錢利息，心中有數

那大跌市會影響嗎，跌10%20%很影響很大.....NAV上幾年平均價後只是打回原型，買了機器買了田，都是為了收息收成，價值在於能給你多少利息，市場價格又關你咩事呢？ 除非有一日不再派息才會賣股轉入另一種，如果機器好好的為什麼要賣掉呢？再者好的機器產能會越來越高，李生的，REIT的，都很好收

那越買得多賺錢機器不就越多息收嗎？ 10手8手其實感受不到，500萬起就會有點感覺, 7% 大約35萬一年利息，不是很多，但基本生活也足夠應乎吧

如果有睇STARMAN的現金流為主或富爸窮爸，應該會明白現金流的重要性，未睇的可以去書局找找看

AM自由組合 9月＋10月

最近忙緊國內個新PROJECT，快快更新一下，不停坐車先最辛苦

HK工廈PROJECT 仲有半年都可以交樓，努力努力

最新政府活化工廈計劃15年樓齡，或可免補地價，但要加入10%政府使用，工廈市場一定更加熱烈，HK返工區面貌1-2年又會有全新改變，非常好

10月11大跌1000點後更新如下：

收息倉位由上月高位到今日負左6%，沒事，都係收息

FX倉由上月到今日多左 5%，中間有段時間美金超強，成手YEN上到114.5，灰晒，負左5%，最后112出倒賺番，成個月DD波幅10%，堅肉赤

10月11入貨，跟數據大跌后會反彈機率8成，2成大單邊

尋日-1000左右開左幾張BULL SPREAD, 雖然今日升500，加埋都有百幾點，都係唔食住，等月尾扣晒血先一決勝負

 939，405用左槓干小量加倉

個人睇法，無科學根據

今日升500，有機會搖番上26800-27000，企穩好地地，跌番就長PUT保平安

如果有機會24000，更癲18000 會3X 槓分批去入貨，一般都係跳樓時入，人棄我取

以上都係個人睇法，我長線種田，聽日賭命唔識玩 ，有人入貨有人出貨，無對錯，不悅請自行離開