財自退休

E個標題可能你會覺得係教你點樣財自，咁大家會失望了

財自退休從來給我是夢想，由細都想可以唔使做，到真.唔使做時先發現原來我唔係想要這些，旅行，日日玩，原來好.........悶

再者因為思想影晌行為，絕對會令人樂不思蜀
財自係諗住HEA，唔使做都有錢，輕鬆舒服...... 咁既思想就會有更HEA既行為，HEA到一個點！
所以對唔住各位教財自退休，SELL自由自在的財自班，對不起，我否定你！

財自只係給係更好的平台，如果各大大可以有能力財自已是非常勁，係可以做更多有益社會世界既事，而唔係HEA，因為做得到既人，一定係有理想，自律，守行為，堅持的人，相信我！HEA絕對不適合你！

如夢初醒後，我要重新出發了！
新項會成事後會跟大家分享

股票倉因為太HEA 沒什麼變化，有開了幾張LP但應該夾死了，YTD NAV亦被大市夾到＋18.5% ，升市沒什麼技巧或好分享，等跌市再加碼

恭喜發財

新一年祝大家貨如輪轉，橫財就手

為2019定一下目標吧，生意上未有想加大投資，都是儲收息貨的目標，而且一定是簡單易做的目標

405，RW0U，709 會繼續收貨

823，003 都很傳奇，除非跟市回落到UNDERVALUED，否則還是不加碼了

美股沒有跟風，買的都很冷門，比較看好的GENETIC MEDICAL類，CBM，ILMN

FEDEX PAYPAL MASTERCARD 就這幾隻，用完會再用，不停消費不停賺錢的行業

比重很少，不會太費心在美股上

BREXIT太亂了，是否在共產主義生活太耐，未能習慣英國的民主呢，脫不脫要投，軟脫硬脫又要爭議，還出個硬中太軟....如果因脫歐而再次匯率下跌，又是否另一個機會買入英國資產呢？

港匯又到有7.848了，567的定律會否提早3月1開波呢？

流感急急出走旅行

幼兒園上星期一公報因流感而要學校放假就苦惱啦，俾佢參加活動一樣易中招，索性即時買飛飛一轉，唔睇好地地，原來日本，成個中國，泰國都中晒，咁我番韓國，星州同台灣，阿女唔食辣就獨自帶佢去一轉台北啦，順便約朋友

好玩好食推介：
阿女放電一定係去京華城，平日去包場玩，有飄移卡丁車，阿女自己開一架，玩左幾次，玩多左佢都識控制出入灣，油門，同飄移既配合，有驚喜!
戶外去員山公園啦，新開小公園，似日本D公園咁乾淨
大型跳彈床FLIP OUT 有好多彈床玩，平平地有得玩，乾淨程度就低D，玩完要換衫洗手
西門丁夾公仔有必中次數，如果又真係好想要又貴，可以走走街中的公仔雜貨店，有時夾要680，已夾了280，欠400，對番100HKD好似OK啦，分分鐘買一隻只要NT250，對比下
阿女好鍾意夾公仔，今次純夾中型公仔，350中第一隻，唉，90中一隻細，200一次夾中2隻，最後買一隻250夾番一對TWINSTAR公仔

暪著爹最大碗魚生飯又真係幾好味，阿女掙住食

川賀居酒屋 蟹推介必食，有入A5牛牛，野食OK，但整體台灣牛LEVEL唔高















馬辣唔使講，招呼好，抵食
阜航豆漿次次都要去食


LeTAO小樽洋果子，原味蛋糕一定要夾牛奶雪糕食，食過就會明，未食過點講都唔明個層次，另佢個芝士餅都好味，買買買

另外我都係跟OPENRICE最高推介去搵野食，老實講好多好伏，好多黑面，一餐1萬NT都黑面可能想學LV既作風啦，無所謂啦無下次囉

阿女長大左對好多事同物都認知多左，會幫手拉拉急，要等佢打扮好才可以出門，出門要起碼一個鐘，有人提醒我提這個那個，有人話想食日本野去夜市，有人有自己錢可以自己話事買野，越來越有跟小情人去旅行既感覺，未有試過獨自同女兒旅行既朋友非常建議一去，是一個非常好的親子體驗

一星期轉眼就完，尋日返就公佈學校提早放新年，果然係最叻既教局，早一日講得就改機票EXTEND去阿里山睇日出啦....
又可以睇機票啦，去邊避難好呢?

投資無咩好做，所有倉都正數，所有股都升晒，都冇咩邊隻特別吸引了，2萬7千幾真係咁牛？ 939一半掛左出貨，出到就出，派息係組合最低，其他等回調再入，我去放血先😂

要有冒死的打算

一個世伯教誨，每件事決定時不要只想好的一邊，因為你想做時一定會有偏見
所以要想好打敗仗時要如何退兵，輸有輸的步處
這些一向都會在我投資前會考慮好，輸幾多要離場，其實應該先打算好，輸得起才做

再進一步分享小弟的幾個倉
收息倉，只會買值價型，有良好派息，股價升跌沒有太大擔憂，現負3.5%，收息於生活開消
增長倉，投資/投機型，考考眼光，只佔全部倉位10%，沒太大期望
外匯倉，(可參考一心的algo期指課程) 我們小組利用Algo技巧套用於外匯API回IB操作，也有小成，暫時每月5-10%，賺錢月每月轉固定金額到收息倉種田，佔全部倉位25%
現金，還有十個點子未買貨，
OD未動用


數字沒意思，理念一攻一守，互相支持，整體上只要Mr.尋尋不要太多動作，每月總倉數都應該有正回報，再去種田

只是政治因素會對外匯有很大影響，backtest後都有18%的Drawdown, 暫時只可以手動控制倉位，AI還未有這樣聰明去解決這問題

現在入市會跌心理上也預計了，再跌20%會不會死，心理壓力總會有，收息類都會依舊派息，只是NAV減少了，對生活影響有限... 其他跌10%都會離場，小賭怡性，本金於我組合為重點，太大槓干風險更大，死得更快

子女投資科

女兒已開始報名小學，內子已把可以負擔以內的直小都報了... 說萬一中獎就不要統一派了，嗯... 只有順從...只有建制派...

名句養一個小朋友要400萬，其實有過之而不及，不給列一下出來等大家都有預算
1）出生公立私人分別可以很大
2）陪月
3）BABY的一切...買，一說要對女兒最好，從未如此豪爽...買
4）打針
5）私人房醫療保，這個很重要呀，因為永遠都只有私人房有位的，心急人只有2個選擇，一政府慢慢排隊，高燒有急症快隊，二是科水私家
6）大量圖書
7）PlayGroup，要學溝通
8）興趣班/補習班，說到入小學必要東西，我小時候還只是一舊飯
9）旅行，開拓視野
11）終於到報小學

後面的，小學中學大學，外國留學，住屋問題
當然我不是富2代，所有都盡量從簡，統一派位最好不過，能慳則慳能做到多少就多少吧

朋友問及我有什麼子女投資計劃，答案是找你的銀行RM詳談，哈

我家幾年前已經為小女讀書開始打算，撥備一份年金，由他自我定息滾存，到小女大學時future value每月派米，十幾年后的通漲，應該都夠支持一下

外國留學的假設亦都有準備，可以回看舊文，英國樓投資
幸運地買了政府發展計劃泛圍內，2020時預計樓價比買入價高出差不多一倍，如果數據及融資上許可，1開2/3的計劃可以提早開始，為未來讀書生活作準備

投放在自已倉或者會更大回報？我亦不肯定地說我安然地過20年，任何計劃都有backup plan，能準備的都準備及計劃好，只有每天繼續努力工作望下一代過得比自己輕鬆

小女每日都會見到我的圖表，概念上她亦開始知道顏色跟升跌跟賺蝕的關係，但未有short position的概念，有時跌賺得更多，還是等她8-10歲才慢慢教她理財吧，是一科香港教育上沒有的科目

分享會心聲

星期五晚跟止凡兄一起渡過了精彩的一晚，
早前經朋友認識，一見如故一拍即合，一口就應承小弟教育一下大家正確的價值投資心態

主題為價值投資，止凡兄投資股票，我利用物業增值＋PARKING股票收息，簡單分享一下我們走過的路及辛酸
希望帶給不同人生目標需要或計劃的人多一點啟發，多一些財商，多一個想法，不是什麼財演，也沒有教學，純經驗想法分享

現場回應亦很好，已有詢問下一場的日子，有學到點子的已跟止凡兄做EXCEL...等，有共嗚的早已自動抄牌

回想...如果當日沒有主動踏出那步，沒有找朋友幫手介紹，就沒有這個止凡價值投資分享會
跟投資一樣，機會要自己爭取，成果要努力實行，才有好結果

再一次多謝止凡兄！

重拾軌道

一個字...忙，盡力做個記錄

工作
要快快放下手上工作給下一家
要交接幾個國家同事
幫Jasper建立分享共和國- JAS TALK

朋友
最近透過朋友認識到止凡，很有學識，分析力，對其他人的投資故事都很了解
欣賞他從心底里去了解及賞識別人的那份真誠，是一個可以交心的朋友

投資
初步了解了幾間英國發展商的投資計劃，回報，過程都算正常正軌，英國律師在檢查 核實中，未有行動
貿易戰開始，美股走光光，只留下佛系收息股

女兒
開始了解報讀小學制度.....為何香港人讀書要這樣複雜
愛上游水的小女幾乎每個星期六日都會去泳池，最近在教她閉氣深池檢鎖鑰

該改變的時候

自己工作到了一個轉捩點，還有2個多月就要離開這個沈悶重覆...賣光陰領金錢的地方

退休嗎？朋友都說我是勞碌命，不停投資，項目賺錢... 到死才可以停了

工作錢是重要，但錢可以儲回來，投資，增值，錢慢慢變到沒那麼重要了

(額...想必瘋了，回想18年前錢比什麼都沒有，錢才是最重要，是麵包，人大了變憚了)

離開一個comfort zone需要勇氣，跳入另一個世界

目標有! 項目有！賺錢未知

人生走了差不多一半，接下來20年要怎麼走，去那一個行業或平台繼續發揮呢，還在思考中

Elon Musk有著超遠大的理想，殖民火星，電，車，太陽能，挖掘，火箭，所有公司都是為了去火星的理想....當然我沒有這能耐

AI機械人Sofia有著face detection, face regonition, DL, facial expression, emtion，令科幻的機械人時代打開序幕，日本科技國亦有他們的Honda CS機械人，德國科技公司Festo把多種動物亦發展成為機械人，相信很快偷錄電子蚊子就會出場，暫時只是拍翅震動鏡頭問題

電子貨幣 2010年出現，到2018年比較多創投去做blockchain 落地的項目，設計框架收集大數據，作分析客人需要及buying behavior，未來以賣資訊分析為生

Blockchain亦大大提升知識產權的應用，一首歌誰都可以下載，版權費以數碼貨幣直接支付到owner手上，其實是方便也是保障，很快所有貨幣都會變到電子化，光是中國全國都用電子交易，想用現金在街上買支水也很困難

以往十年走勢是平台的興起，阿里爸爸，淘寶，FB，Uber，等等都是方便用家到一家處理所有需要，相信未來十年會走向Digital, AI，Data analysis了，也相當明顯

我也希望可以找到一個有前景的平台發揮，可以為推動社會向前出一分力

快要離開，6年光陰，同事的來去，很多回憶，很多感觸

人總要向前走...保持一貫的超正面，心口勇字的走著