夏天活動

星期六日節目一定係游水，小女一玩水就要玩到收池
終於學埋自由式側身游加換氣
雖然姿勢怪怪地，慢慢再執吧
反而成功左既她就勇敢地飛左去池中間，一點危機意識都無
（條片唔知點解上載唔到，遲D補）

然後想教埋蛙式，陰差陽錯，佢跟隻12蚊店海龜公仔學爬水，爬兩爬，最難教既蝶式就冇啦啦練成，又係差換氣，前後都有5分鐘，有時小朋友的學習能力真的不可估計

昨晚小女問我，做咩表弟咩都要學，學十幾樣，佢就咩都無得學，都唔知好嬲好笑，我只好話教導同學習唔應該只係課堂里，應該係日常生活中吸取經驗，搵方法搵機會

投資部自上月入滿倉，現在佛系，直到侵侵大選，應該都仲正面，之後之後再算
上月尾加左張005 SP 同 823 SP 中左就入，唔中就袋袋平安
暫時YTD尚可，平平穩德等收息

另外手痕試下睇新野 simplywall.st
我將手上股票加入而做左個CHART出黎，成隻MPF POFO咁，太細額個D我冇輸入，美股都冇入，可以睇下自己個POFO係AI分折會你點樣

當然數據係死的，俾晒MARKET DATA你，PE/PB幾多，EPS growth等等，但也要靠自己思考，眼光係AI缺少的

(以上不是推介，也不是廣告，在下也沒冇REG, 純FREE ACCOUNT 看看，股票也只是在下倉存，沒冇推介，自行考量）

香港有林病，世界有侵侵，真要扣安全帶 ?

又黎記錄一下今個月發生的大事

最重要當然小女的小一派位啦，我絕非怪獸，返學係應該學生活學做人，重要過成績，培養進步既想法，大膽既創新....讀書叻不代表處世叻，也不代表搵到錢，也不代表投資叻，不如開開心心過童年吧

派到心水學校，功課少，project base assignment，代表大家都多D時間玩啦，唔使做20樣功課
 原來小學普教中，經歷左才知道，爸爸星州長大，兩文三語都可以，黎個速成班快快適應普通話，多講就可以，小朋友學習能力極高

政治野唔多講，中美都差個結局，美國就快D認低威快快了結件事，都冇咩可能，加多3000又損敵800自傷3000，再者人仔又可以玩扁值，抵消晒，當然中國都會內傷，盡量一帶一路可以賺番，應該美國重傷囉，所以要提減息，希望快D啦，QE都唔錯，到時再算

以上只我自己個人想法，不喜請抬貴手
就以上猜測，小弟倉位轉馬行動已完成
1）人仔全對回港幣
2）未來1年人仔對港幣令收息會減少10-15%，405 全數已換823 入價93
3）005比939持貨多，收息計，939扣稅加人幣匯率會減少15-20%，005增持63.3
4) 美股因經濟下行，減少持股量及美股比例
5) 英磅新PM，脫歐一獲粥，等下跌完入英磅，投資後定
6) 富力地產10%儲蓄行動又展開，升20-30%都收左2-3年息，唔升食10%都唔錯，慢慢小小儲
7）另見到RW大升幾興奮，也會擔心升得太快

留個記錄： 3萬1 @20% 今日2萬7 YTD @17% Max DD 5.5% ，插5.5%都幾痛，都預左也算萬幸

到今日為止，倉已入貨已經95%了，留FX部份CASH基本需要，可能你會話我太急進，可能係，你有你的少林武功，我有我的野球拳 (打過機就知咩黎啦，哈) 跌唔死就OK啦，最緊要有派息

另新一期居屋超額60倍，上一次57倍，很好景嗎? 政治因素呢，貿易戰因素不怕了嗎？做咩又要搶買居屋呀，哈哈
祝大家盤滿

香港樓點睇?

朋友你太多問題了...

升跌可以由需求VS供應去分折，好似係人都知咁

由2017年起，政府賣地已明顯減少，（新聞都有講啦），有時間去埋地政總署睇下賣地個度個每年交易量19／20 到現時好似得3萬幾平方米

https://www.landsd.gov.hk/tc/landsale/records.htm

賣地，回收舊樓再重建，改土地使用用途都可以申請，咪可以起樓啦.....

咁唯有講數據啦，去BD睇月報會有申請，批，落成量，自己望下

https://www.bd.gov.hk/tc/whats-new/monthly-digests/index.html

起樓由申請到起好要3-5年，或有出入啦，即係3-5年后新樓供應非常短缺

你又反駁，咪填海囉，岩既，15-20年后才可以用，要沈干

你又會駁，地產商大把地啦，你岩，換個位，歸晒邊，你會一次起晒賣定係慢慢起呢？

又自己8下新聞： 新界土儲最多 恒地等待收成 反思是否早D持有有SO呢？

又駁，邊有咁多需求呀，岩岩，香港人所謂剛性需求係跌市冇需求，反彈就個個需求

我都冇咁多氣講下去，學李生話齋，計好數供得起就買，量力而為，想買唔買就E世都唔使買....

大家點睇？

貿易戰關你事嗎？

貿易戰唔想講點解，兩國問題成日都有，佢有佢玩，你有你投資

不如直接尋寶啦，用剔除法將受直接受影響行業剔走后，我只有房產 REITS，網上平台PAYPAL，信用卡 VISA MASTERCARD，老麥，銀行類，公用股

RW0U 回調完PB1 @1 .32，已加碼

其他REITS PB0.6都有，更抵買，已買入

paypal visa mastercard大跌日入貨，隔日已正數，正常人每日都會用到，打仗都要VISA吧

老麥應該當係地產股吧，反正都係LONG TERM

銀行類亦跌到好甘，又買左小小，補番上月出左貨既一半

跌市好驚？跌市唔入貨，升市追貨仲驚...

老師話：一生有幾多次機會？究竟MISS左幾多個低位，仲要講過幾多次早知 就XX先夠呢？

做緊X折SALE啦，唔買都睇下啦😝

話咁快又一個月 5月頭黎一個回顧

99個人不停同我講要發展大灣區，人人都在談，也許...我也要想想

中國國際大品牌，LV，GUCCI，ZENGA，M&S 都在中國區關掉很多門市，零售點，接示他們生意有弱了嗎，未必，只是網購變太重了，也許這是未來的一個生意走勢，新項目正正在外地建網購生意，努力進行中，離港4日去拼了

投資部份已減持有恆指成的005，回調後會再增持，暫時多出 15%左右現金算入外匯倉MARGIN操作，其他跟上月不變
在不同倉分配做了輕微改動 港股25% 星加坡MT 30% 美股15% 外匯30%

FX倉自BREXIT推後再開動，本月已開始回復進帳，加上各REITS繼續做好，YTD成績算不過不失，如下圖：

手痕

升市時望住NAV不停升總會覺得有浪費買得太少的感覺，即係手痕
面經驗不停叫自己唔好試，TAKE野衰硬，一路都忍左好多日都唔入

突然曙光呀，又一城突然由1.38直插到1.31, 我堅忍唔住，1.32即入，舒服晒....
再跌點算呀，PB1 OK啦，再跌再入囉，平均價只係郁左一個仙，是旦啦

但入完先發覺MARGIN過左定落既位，諗完揀左踢709離場，袋袋平安，9%息之後再買番入組合

財自退休

E個標題可能你會覺得係教你點樣財自，咁大家會失望了

財自退休從來給我是夢想，由細都想可以唔使做，到真.唔使做時先發現原來我唔係想要這些，旅行，日日玩，原來好.........悶

再者因為思想影晌行為，絕對會令人樂不思蜀
財自係諗住HEA，唔使做都有錢，輕鬆舒服...... 咁既思想就會有更HEA既行為，HEA到一個點！
所以對唔住各位教財自退休，SELL自由自在的財自班，對不起，我否定你！

財自只係給係更好的平台，如果各大大可以有能力財自已是非常勁，係可以做更多有益社會世界既事，而唔係HEA，因為做得到既人，一定係有理想，自律，守行為，堅持的人，相信我！HEA絕對不適合你！

如夢初醒後，我要重新出發了！
新項會成事後會跟大家分享

股票倉因為太HEA 沒什麼變化，有開了幾張LP但應該夾死了，YTD NAV亦被大市夾到＋18.5% ，升市沒什麼技巧或好分享，等跌市再加碼

大時代重臨

升到29400，成交1600億，市場向好氣氛很濃厚，升到有點吸引我去買，大時代重臨口號又出現，加上港匯7.85 第2個月⋯⋯

其實已經亮了警號，心月清的人應該在高位減持部份，跌市時有現金去收貨

再升就當是買了保險吧，我暫時減倉至 0 MARGIN 水平 ，再升或會再出3分1，怕怕

祝大家旅途愉快 😝

29000 望上定望落好？

DIVISION2 就出，一定無時間剩，快快黎個UPDATE

3，4 月真係沒什麼好做，脫歐又未定局，FX全線停工一個月，29000試衝未知做那邊，唔緊要....我都唔知，我只知不會只升不跌....
假設5-7月會下調，4月應該會見高位，但我佛系好少會清倉，就唯有慢慢儲LP做保險啦

分享一個double stacking既方法，即係溝貨，應該叫discipline buying system（乖乖買貨系統)
優質收息股下跌一段時間後，每一個DIP就入一次貨，每次入多一倍，咁做每股成本會好貼市，只是心理上需要承受DRAWDOWN，但一反彈基本上都即時正數，相反儲沽亦如是，越高越沽...但要緊記不是每一隻股票都適用，請自行修行一下
成日有人問: 點解有些人可以成日都撈底成功?  就因為無系統啦...

屋企成個海水缸反缸，7年了，死剩兩條都死埋，心里屈悶，都決定放棄再養，應該器材太舊，一氣將全屋魚具全清，改行種蕃茄，可能植物死左冇咁心痛掛?

恭喜發財

新一年祝大家貨如輪轉，橫財就手

為2019定一下目標吧，生意上未有想加大投資，都是儲收息貨的目標，而且一定是簡單易做的目標

405，RW0U，709 會繼續收貨

823，003 都很傳奇，除非跟市回落到UNDERVALUED，否則還是不加碼了

美股沒有跟風，買的都很冷門，比較看好的GENETIC MEDICAL類，CBM，ILMN

FEDEX PAYPAL MASTERCARD 就這幾隻，用完會再用，不停消費不停賺錢的行業

比重很少，不會太費心在美股上

BREXIT太亂了，是否在共產主義生活太耐，未能習慣英國的民主呢，脫不脫要投，軟脫硬脫又要爭議，還出個硬中太軟....如果因脫歐而再次匯率下跌，又是否另一個機會買入英國資產呢？

港匯又到有7.848了，567的定律會否提早3月1開波呢？

流感急急出走旅行

幼兒園上星期一公報因流感而要學校放假就苦惱啦，俾佢參加活動一樣易中招，索性即時買飛飛一轉，唔睇好地地，原來日本，成個中國，泰國都中晒，咁我番韓國，星州同台灣，阿女唔食辣就獨自帶佢去一轉台北啦，順便約朋友

好玩好食推介：
阿女放電一定係去京華城，平日去包場玩，有飄移卡丁車，阿女自己開一架，玩左幾次，玩多左佢都識控制出入灣，油門，同飄移既配合，有驚喜!
戶外去員山公園啦，新開小公園，似日本D公園咁乾淨
大型跳彈床FLIP OUT 有好多彈床玩，平平地有得玩，乾淨程度就低D，玩完要換衫洗手
西門丁夾公仔有必中次數，如果又真係好想要又貴，可以走走街中的公仔雜貨店，有時夾要680，已夾了280，欠400，對番100HKD好似OK啦，分分鐘買一隻只要NT250，對比下
阿女好鍾意夾公仔，今次純夾中型公仔，350中第一隻，唉，90中一隻細，200一次夾中2隻，最後買一隻250夾番一對TWINSTAR公仔

暪著爹最大碗魚生飯又真係幾好味，阿女掙住食

川賀居酒屋 蟹推介必食，有入A5牛牛，野食OK，但整體台灣牛LEVEL唔高















馬辣唔使講，招呼好，抵食
阜航豆漿次次都要去食


LeTAO小樽洋果子，原味蛋糕一定要夾牛奶雪糕食，食過就會明，未食過點講都唔明個層次，另佢個芝士餅都好味，買買買

另外我都係跟OPENRICE最高推介去搵野食，老實講好多好伏，好多黑面，一餐1萬NT都黑面可能想學LV既作風啦，無所謂啦無下次囉

阿女長大左對好多事同物都認知多左，會幫手拉拉急，要等佢打扮好才可以出門，出門要起碼一個鐘，有人提醒我提這個那個，有人話想食日本野去夜市，有人有自己錢可以自己話事買野，越來越有跟小情人去旅行既感覺，未有試過獨自同女兒旅行既朋友非常建議一去，是一個非常好的親子體驗

一星期轉眼就完，尋日返就公佈學校提早放新年，果然係最叻既教局，早一日講得就改機票EXTEND去阿里山睇日出啦....
又可以睇機票啦，去邊避難好呢?

投資無咩好做，所有倉都正數，所有股都升晒，都冇咩邊隻特別吸引了，2萬7千幾真係咁牛？ 939一半掛左出貨，出到就出，派息係組合最低，其他等回調再入，我去放血先😂

AM組合 2018年結

放完假囉，是時候回魂，聖誕是最開心的節日
聖誕前增持了佐丹奴&楓樹入收息倉，買了一注中興國際中短線用

年結，大市跌25-30% AM股票組合比上年同期負2%，939影響最多，但大部份都收息用，負數也沒太大問題，個別股票出入只是手多賺外快
生意上有資金回籠，組合現時 50%持股，50%現金，FX暫時停機要因TRUMP而進行改善工程

放假時太多朋友聚會，一般都說股票2018輸錢...
總括而言，其實你有自己的投資策略嗎？

聽名家分折走勢，對於沒太多時間又想賺快錢的人真的非常方便
技術走勢穿底要清倉，黃金穿升又追入，這個方法很多人都賺錢，但調整時也輸得徹底
輸了又要找新的策略，其實本身的策略真的有問題嗎？

基本上除了上升軌最初時買入會比較安全，及後每一個位入市都有調整風險，那我們在相對高位止賺賣出，相對低位勇敢買入，會否是一個夢想呢？

真的會高見38000嗎？ 30000-32000賣出不道已經很好了嗎？賣出再升賺少很多呢...真的能賺盡嗎?

真的會低見18000嗎？ 22000-24000勇敢一點可以嗎？再跌我繼續蝕很多，捱價令人很不安...有誰又能谷底全數買入呢，買入又可以即時上升？分段買儲否安心？

定好一個相對自已舒服的出入策略，該賺就止賺，賺到再購入資產長期持有，說到底儲資產這想法都非常重要，亦可以避開很多意外，不難賺些少飯錢吧