夏天活動

星期六日節目一定係游水，小女一玩水就要玩到收池
終於學埋自由式側身游加換氣
雖然姿勢怪怪地，慢慢再執吧
反而成功左既她就勇敢地飛左去池中間，一點危機意識都無
（條片唔知點解上載唔到，遲D補）

然後想教埋蛙式，陰差陽錯，佢跟隻12蚊店海龜公仔學爬水，爬兩爬，最難教既蝶式就冇啦啦練成，又係差換氣，前後都有5分鐘，有時小朋友的學習能力真的不可估計

昨晚小女問我，做咩表弟咩都要學，學十幾樣，佢就咩都無得學，都唔知好嬲好笑，我只好話教導同學習唔應該只係課堂里，應該係日常生活中吸取經驗，搵方法搵機會

投資部自上月入滿倉，現在佛系，直到侵侵大選，應該都仲正面，之後之後再算
上月尾加左張005 SP 同 823 SP 中左就入，唔中就袋袋平安
暫時YTD尚可，平平穩德等收息

另外手痕試下睇新野 simplywall.st
我將手上股票加入而做左個CHART出黎，成隻MPF POFO咁，太細額個D我冇輸入，美股都冇入，可以睇下自己個POFO係AI分折會你點樣

當然數據係死的，俾晒MARKET DATA你，PE/PB幾多，EPS growth等等，但也要靠自己思考，眼光係AI缺少的

(以上不是推介，也不是廣告，在下也沒冇REG, 純FREE ACCOUNT 看看，股票也只是在下倉存，沒冇推介，自行考量）

香港有林病，世界有侵侵，真要扣安全帶 ?

又黎記錄一下今個月發生的大事

最重要當然小女的小一派位啦，我絕非怪獸，返學係應該學生活學做人，重要過成績，培養進步既想法，大膽既創新....讀書叻不代表處世叻，也不代表搵到錢，也不代表投資叻，不如開開心心過童年吧

派到心水學校，功課少，project base assignment，代表大家都多D時間玩啦，唔使做20樣功課
 原來小學普教中，經歷左才知道，爸爸星州長大，兩文三語都可以，黎個速成班快快適應普通話，多講就可以，小朋友學習能力極高

政治野唔多講，中美都差個結局，美國就快D認低威快快了結件事，都冇咩可能，加多3000又損敵800自傷3000，再者人仔又可以玩扁值，抵消晒，當然中國都會內傷，盡量一帶一路可以賺番，應該美國重傷囉，所以要提減息，希望快D啦，QE都唔錯，到時再算

以上只我自己個人想法，不喜請抬貴手
就以上猜測，小弟倉位轉馬行動已完成
1）人仔全對回港幣
2）未來1年人仔對港幣令收息會減少10-15%，405 全數已換823 入價93
3）005比939持貨多，收息計，939扣稅加人幣匯率會減少15-20%，005增持63.3
4) 美股因經濟下行，減少持股量及美股比例
5) 英磅新PM，脫歐一獲粥，等下跌完入英磅，投資後定
6) 富力地產10%儲蓄行動又展開，升20-30%都收左2-3年息，唔升食10%都唔錯，慢慢小小儲
7）另見到RW大升幾興奮，也會擔心升得太快

留個記錄： 3萬1 @20% 今日2萬7 YTD @17% Max DD 5.5% ，插5.5%都幾痛，都預左也算萬幸

到今日為止，倉已入貨已經95%了，留FX部份CASH基本需要，可能你會話我太急進，可能係，你有你的少林武功，我有我的野球拳 (打過機就知咩黎啦，哈) 跌唔死就OK啦，最緊要有派息

另新一期居屋超額60倍，上一次57倍，很好景嗎? 政治因素呢，貿易戰因素不怕了嗎？做咩又要搶買居屋呀，哈哈
祝大家盤滿

話咁快又一個月 5月頭黎一個回顧

99個人不停同我講要發展大灣區，人人都在談，也許...我也要想想

中國國際大品牌，LV，GUCCI，ZENGA，M&S 都在中國區關掉很多門市，零售點，接示他們生意有弱了嗎，未必，只是網購變太重了，也許這是未來的一個生意走勢，新項目正正在外地建網購生意，努力進行中，離港4日去拼了

投資部份已減持有恆指成的005，回調後會再增持，暫時多出 15%左右現金算入外匯倉MARGIN操作，其他跟上月不變
在不同倉分配做了輕微改動 港股25% 星加坡MT 30% 美股15% 外匯30%

FX倉自BREXIT推後再開動，本月已開始回復進帳，加上各REITS繼續做好，YTD成績算不過不失，如下圖：

手痕

升市時望住NAV不停升總會覺得有浪費買得太少的感覺，即係手痕
面經驗不停叫自己唔好試，TAKE野衰硬，一路都忍左好多日都唔入

突然曙光呀，又一城突然由1.38直插到1.31, 我堅忍唔住，1.32即入，舒服晒....
再跌點算呀，PB1 OK啦，再跌再入囉，平均價只係郁左一個仙，是旦啦

但入完先發覺MARGIN過左定落既位，諗完揀左踢709離場，袋袋平安，9%息之後再買番入組合

大時代重臨

升到29400，成交1600億，市場向好氣氛很濃厚，升到有點吸引我去買，大時代重臨口號又出現，加上港匯7.85 第2個月⋯⋯

其實已經亮了警號，心月清的人應該在高位減持部份，跌市時有現金去收貨

再升就當是買了保險吧，我暫時減倉至 0 MARGIN 水平 ，再升或會再出3分1，怕怕

祝大家旅途愉快 😝

29000 望上定望落好？

DIVISION2 就出，一定無時間剩，快快黎個UPDATE

3，4 月真係沒什麼好做，脫歐又未定局，FX全線停工一個月，29000試衝未知做那邊，唔緊要....我都唔知，我只知不會只升不跌....
假設5-7月會下調，4月應該會見高位，但我佛系好少會清倉，就唯有慢慢儲LP做保險啦

分享一個double stacking既方法，即係溝貨，應該叫discipline buying system（乖乖買貨系統)
優質收息股下跌一段時間後，每一個DIP就入一次貨，每次入多一倍，咁做每股成本會好貼市，只是心理上需要承受DRAWDOWN，但一反彈基本上都即時正數，相反儲沽亦如是，越高越沽...但要緊記不是每一隻股票都適用，請自行修行一下
成日有人問: 點解有些人可以成日都撈底成功?  就因為無系統啦...

屋企成個海水缸反缸，7年了，死剩兩條都死埋，心里屈悶，都決定放棄再養，應該器材太舊，一氣將全屋魚具全清，改行種蕃茄，可能植物死左冇咁心痛掛?

恭喜發財

新一年祝大家貨如輪轉，橫財就手

為2019定一下目標吧，生意上未有想加大投資，都是儲收息貨的目標，而且一定是簡單易做的目標

405，RW0U，709 會繼續收貨

823，003 都很傳奇，除非跟市回落到UNDERVALUED，否則還是不加碼了

美股沒有跟風，買的都很冷門，比較看好的GENETIC MEDICAL類，CBM，ILMN

FEDEX PAYPAL MASTERCARD 就這幾隻，用完會再用，不停消費不停賺錢的行業

比重很少，不會太費心在美股上

BREXIT太亂了，是否在共產主義生活太耐，未能習慣英國的民主呢，脫不脫要投，軟脫硬脫又要爭議，還出個硬中太軟....如果因脫歐而再次匯率下跌，又是否另一個機會買入英國資產呢？

港匯又到有7.848了，567的定律會否提早3月1開波呢？

流感急急出走旅行

幼兒園上星期一公報因流感而要學校放假就苦惱啦，俾佢參加活動一樣易中招，索性即時買飛飛一轉，唔睇好地地，原來日本，成個中國，泰國都中晒，咁我番韓國，星州同台灣，阿女唔食辣就獨自帶佢去一轉台北啦，順便約朋友

好玩好食推介：
阿女放電一定係去京華城，平日去包場玩，有飄移卡丁車，阿女自己開一架，玩左幾次，玩多左佢都識控制出入灣，油門，同飄移既配合，有驚喜!
戶外去員山公園啦，新開小公園，似日本D公園咁乾淨
大型跳彈床FLIP OUT 有好多彈床玩，平平地有得玩，乾淨程度就低D，玩完要換衫洗手
西門丁夾公仔有必中次數，如果又真係好想要又貴，可以走走街中的公仔雜貨店，有時夾要680，已夾了280，欠400，對番100HKD好似OK啦，分分鐘買一隻只要NT250，對比下
阿女好鍾意夾公仔，今次純夾中型公仔，350中第一隻，唉，90中一隻細，200一次夾中2隻，最後買一隻250夾番一對TWINSTAR公仔

暪著爹最大碗魚生飯又真係幾好味，阿女掙住食

川賀居酒屋 蟹推介必食，有入A5牛牛，野食OK，但整體台灣牛LEVEL唔高















馬辣唔使講，招呼好，抵食
阜航豆漿次次都要去食


LeTAO小樽洋果子，原味蛋糕一定要夾牛奶雪糕食，食過就會明，未食過點講都唔明個層次，另佢個芝士餅都好味，買買買

另外我都係跟OPENRICE最高推介去搵野食，老實講好多好伏，好多黑面，一餐1萬NT都黑面可能想學LV既作風啦，無所謂啦無下次囉

阿女長大左對好多事同物都認知多左，會幫手拉拉急，要等佢打扮好才可以出門，出門要起碼一個鐘，有人提醒我提這個那個，有人話想食日本野去夜市，有人有自己錢可以自己話事買野，越來越有跟小情人去旅行既感覺，未有試過獨自同女兒旅行既朋友非常建議一去，是一個非常好的親子體驗

一星期轉眼就完，尋日返就公佈學校提早放新年，果然係最叻既教局，早一日講得就改機票EXTEND去阿里山睇日出啦....
又可以睇機票啦，去邊避難好呢?

投資無咩好做，所有倉都正數，所有股都升晒，都冇咩邊隻特別吸引了，2萬7千幾真係咁牛？ 939一半掛左出貨，出到就出，派息係組合最低，其他等回調再入，我去放血先😂

AM組合 2018年結

放完假囉，是時候回魂，聖誕是最開心的節日
聖誕前增持了佐丹奴&楓樹入收息倉，買了一注中興國際中短線用

年結，大市跌25-30% AM股票組合比上年同期負2%，939影響最多，但大部份都收息用，負數也沒太大問題，個別股票出入只是手多賺外快
生意上有資金回籠，組合現時 50%持股，50%現金，FX暫時停機要因TRUMP而進行改善工程

放假時太多朋友聚會，一般都說股票2018輸錢...
總括而言，其實你有自己的投資策略嗎？

聽名家分折走勢，對於沒太多時間又想賺快錢的人真的非常方便
技術走勢穿底要清倉，黃金穿升又追入，這個方法很多人都賺錢，但調整時也輸得徹底
輸了又要找新的策略，其實本身的策略真的有問題嗎？

基本上除了上升軌最初時買入會比較安全，及後每一個位入市都有調整風險，那我們在相對高位止賺賣出，相對低位勇敢買入，會否是一個夢想呢？

真的會高見38000嗎？ 30000-32000賣出不道已經很好了嗎？賣出再升賺少很多呢...真的能賺盡嗎?

真的會低見18000嗎？ 22000-24000勇敢一點可以嗎？再跌我繼續蝕很多，捱價令人很不安...有誰又能谷底全數買入呢，買入又可以即時上升？分段買儲否安心？

定好一個相對自已舒服的出入策略，該賺就止賺，賺到再購入資產長期持有，說到底儲資產這想法都非常重要，亦可以避開很多意外，不難賺些少飯錢吧

愛上了佐丹奴

純個人記錄，這個月把由谷底回升的佐丹奴加進組合
年報請自行解讀，縱合原因：
1）派息110%，現價都有9%以上，ttm接近10%
2）公司現金流正面，未見特別財政問題，賺到的現金全派息
3）主要增長中國 台灣， 整體比上年有幾個增長
4）公司管理層希望派息/回賺

唯一風險市場消費減弱令銷售額下跌...

因為709比較大波幅也沒有固定回報，加入組合後大約只佔總倉2%，會因市況增持到最多3-5% 非常好防守作用

以上只是個人記錄 沒有買賣指引

AM組合12月 + 準備聖誕

又到聖誕，又到聖誕
又黎到每年最開心既時間，買禮物收禮物，比農歷新年更令人期待更興奮
上年手多多整斷左棵聖誕樹，今年要買過，突然子華神上腦：屋企無位 買傢私 ... 買棵大小小 1.8米加禮物加圍欄🤣 實行逼爆個廳
事原我細個見到好高既聖誕樹 （可能人仔細細視角睇乜都大）所以有童年迷思 覺得大棵就好有氣氛啦... 又俾人串 你買大d間屋放半島個棵咪夠大囉... 即時收皮唔插咀... 覆式等下，跌市會有機會，人生滿希望 前路由我創🤣

股市好明顯有個回穩，岩岩升穿下跌通道，企得穩就再加碼入貨，
11月沒有入貨，但全倉回正數，倉位跟上月沒有變
12月基金都放假大市多數都細波幅，無咩好做，最多買晒d spread慢慢等扣血，還是繼續砌聖誕樹吧😂


又抽水講下樓，周街唱淡風，我無興趣去喘測大市走勢，我只想道出物業/租值跟物價通漲好有直接關係，全球通漲中，離開大跌應該還有一段距離。
又有人會話加息啦買樓的人死梗啦！請自行畫出息口走勢及樓市的走勢變化吧，人云亦云不經大腦是不會進步的。
樓市早前盲目叫高盲目接貨拉高成交價，高位回調10-15%也很正常吧。但15%減價盤不會等你買，需要主動尋盤議價。到新樓一開清袋時樓市又會復甦，機會又跑了。

AM自由組合 11月

今個月負面情緒太濃厚，但越負面越應該要做好倉
手多多月中開了兩次港女bull spread ，第一轉中彈后出貨獲利共120點
第二轉見跌后第二日再開大市月底再跌夾死，因為bull spread有封頂 博扣時間血到月底期結都跌 輸240點 埋單合共輸120點

手上股票沒減持 相反405 4.71時再增持 相對息口7.3% 非常吸引
又一城剛派息0.019，即日回購利息部份
其他倉位沒變，加上增持部份，已經追回上月一半跌幅，反正都係長期持有，股價越低反而更有利增持

有幾個朋友問，都係最多的問題：你現在買入不怕跌嗎？不是全世界都看淡兩萬二嗎？
答案大致都一樣，當出現比手上更吸引的派息股份時，例如我手上平均6%息，405 有7.3%， 把它加入組合是非常合理，如果再跌就再入，對於收息派，我是買入他的派息能力，而非股價。
比喻一個橙提供同樣的維他命C但有時賣$5 有時賣$7 是因為市場供求，$10 3個當然要買多一些，我買的只是派息

以上只屬個人買賣記錄

種田派

又寫個記錄第時可以自己睇番，10月19今日尋底后25000壓彈弓后反彈，之前個2SET HSI SPREAD如可以月尾係25500 樓上，都應該袋袋平安，為NAV跌左小小的收息倉帶來小小正數

未知貿易戰會有什麼結局，都應該兩手準備，下月企得穩26200再步處，或者會開晒LP LC，睇Vol再決定

我都係偏向喜歡種田，炒作賺到的都去買股收息，等派米

而最近都留意到很多朋友將收息的股份都止蝕沽出.....炒賣的做法非常正確，但種田心態或應該調整一下

我有分倉做炒作，有種田倉，倉位大小都不一樣

炒作會食長短浪，可以炒的都大致做過，賺到的都會抽起撥捐種田倉

種田收息一般給人很沒出息，沒見地，沒經驗，不善出入等等，或者應該是大家考量的不一樣

收息倉最完美當然是死人冧樓後開倉，一大筆最完美，但有人會挑戰，那不就浪費了反彈最大的股份，針沒兩頭利，收息只是想要一年7-10%派息回報，回報太高某程度只會增加風險，再者可以分比例買入慢慢用5-10年建倉，先以炒賣賺錢再去種田，急不了

一年7%很不吸引...沒錯，很低回報，但不是忘記波幅，今年2018有多少人負數呢？ 7%不也很好嗎.....

買了田收息就似買了一部賺錢的機器，有時機器會因市況而價格升跌，但你買入的時候已大約知道一年產能是多少，一年收多少錢利息，心中有數

那大跌市會影響嗎，跌10%20%很影響很大.....NAV上幾年平均價後只是打回原型，買了機器買了田，都是為了收息收成，價值在於能給你多少利息，市場價格又關你咩事呢？ 除非有一日不再派息才會賣股轉入另一種，如果機器好好的為什麼要賣掉呢？再者好的機器產能會越來越高，李生的，REIT的，都很好收

那越買得多賺錢機器不就越多息收嗎？ 10手8手其實感受不到，500萬起就會有點感覺, 7% 大約35萬一年利息，不是很多，但基本生活也足夠應乎吧

如果有睇STARMAN的現金流為主或富爸窮爸，應該會明白現金流的重要性，未睇的可以去書局找找看

AM自由組合 9月＋10月

最近忙緊國內個新PROJECT，快快更新一下，不停坐車先最辛苦

HK工廈PROJECT 仲有半年都可以交樓，努力努力

最新政府活化工廈計劃15年樓齡，或可免補地價，但要加入10%政府使用，工廈市場一定更加熱烈，HK返工區面貌1-2年又會有全新改變，非常好

10月11大跌1000點後更新如下：

收息倉位由上月高位到今日負左6%，沒事，都係收息

FX倉由上月到今日多左 5%，中間有段時間美金超強，成手YEN上到114.5，灰晒，負左5%，最后112出倒賺番，成個月DD波幅10%，堅肉赤

10月11入貨，跟數據大跌后會反彈機率8成，2成大單邊

尋日-1000左右開左幾張BULL SPREAD, 雖然今日升500，加埋都有百幾點，都係唔食住，等月尾扣晒血先一決勝負

 939，405用左槓干小量加倉

個人睇法，無科學根據

今日升500，有機會搖番上26800-27000，企穩好地地，跌番就長PUT保平安

如果有機會24000，更癲18000 會3X 槓分批去入貨，一般都係跳樓時入，人棄我取

以上都係個人睇法，我長線種田，聽日賭命唔識玩 ，有人入貨有人出貨，無對錯，不悅請自行離開

要有冒死的打算

一個世伯教誨，每件事決定時不要只想好的一邊，因為你想做時一定會有偏見
所以要想好打敗仗時要如何退兵，輸有輸的步處
這些一向都會在我投資前會考慮好，輸幾多要離場，其實應該先打算好，輸得起才做

再進一步分享小弟的幾個倉
收息倉，只會買值價型，有良好派息，股價升跌沒有太大擔憂，現負3.5%，收息於生活開消
增長倉，投資/投機型，考考眼光，只佔全部倉位10%，沒太大期望
外匯倉，(可參考一心的algo期指課程) 我們小組利用Algo技巧套用於外匯API回IB操作，也有小成，暫時每月5-10%，賺錢月每月轉固定金額到收息倉種田，佔全部倉位25%
現金，還有十個點子未買貨，
OD未動用


數字沒意思，理念一攻一守，互相支持，整體上只要Mr.尋尋不要太多動作，每月總倉數都應該有正回報，再去種田

只是政治因素會對外匯有很大影響，backtest後都有18%的Drawdown, 暫時只可以手動控制倉位，AI還未有這樣聰明去解決這問題

現在入市會跌心理上也預計了，再跌20%會不會死，心理壓力總會有，收息類都會依舊派息，只是NAV減少了，對生活影響有限... 其他跌10%都會離場，小賭怡性，本金於我組合為重點，太大槓干風險更大，死得更快

投資有資值股票

繼上一回大跌後，今日另一個觸底，現在到人生交差點，50/50機會， 繼續尋底 或 雙底反彈
全倉自上次入貨後還保持正數，我決定博一博，現在進行組合增持低過自己估值的股票
短期預計中美關稅還會影響大市，80%我貨 ／20%現金，如有需要可再入第3轉

405，1038，823 ，RW又一城， 長期持有，沒變
5，939 今日進行增持，長期持有，收息
1299 小量，沒變
175，1883 小量加入

700 已到目標入貨價，但壞消息未完，觀望中
405 除淨后再決定

以上純個人記錄，沒有投資方向或建議，心態決定景界，還請自行研究

人棄我取

有部份股票已經進入自己的合理估值內，6-7折，250天線，人棄我取，已入40%倉，60%現金，未用槓干
部份有參考大師鍾記鍾SIR而下決定 http://bennychungwai.blogspot.com/

在ALGO TRADE中也有留意到有個新學說 Z-SCORE，簡單就是一個價格走勢的Standard Deviation，再簡單就是Z score +1-3就代表價格上行中，相反如是，99%時間都在 -2 到 ＋2 游走，那-3什麼時候呢？應該像單日跌 1500點，整日愁雲慘霧，食午餐時每張枱都說自己輸了多少等等.... Z score 是一個統計學概念，-2/+2的機會只有不到1成，而產生到-2就可以入市＋2就出貨的想法，今日只是去到0左右，還欠一下急跌跳樓的一日才完成調整，當然只作參考....有興趣請自行Google

審視自己組合，還是希望收息為主，一般5 - 6.5%
405，1038，823 ，又一城  長期持有，沒變
5，939  今日新加入收息組合，新成員或要捱價，未知尋底有多遠，會分段增持
1299 小量，中線

700 已到目標入貨價，但壞消息未完，觀望中
27，175 觀望中

當然我知接刀有風險，已有心理準備捱價，唯有分段小量入貨，才訓到覺

以上純個人記錄，沒有投資方向或建議，心態決定景界，還請自行研究

保留實力 價值投資

港匯7.85已經係警號，跟20年前亞州金融風暴很似，歷史又再重覆，基本上走資都一段時間了
風高浪急真的要保存實力，由31000回塘到夜期26700 都4000點左右，但壞消息未完，低未算低，忍手

香港入市支持匯率，還有1000多億，如果繼續減少又有機會加息，股市也繼續受影響

委內瑞拉，土耳其，阿根延，都被逼匯率偏值，在貿易戰的壓力下，沒有一隻匯率能幸免

昨晚寫的一篇提到美股未反影貿易戰影響，那邊廂都出事了

什麼技術分折都用不上場了，又回到價值投資層面，保存到實力用undervalue的價錢去增持股份會比較有防守力

原本與止凡兄分享一場價值投資及心態分享會去增強危機感，原日子今個星期5晚，希望大家聽後都可以安然渡過危機，但事與願違....事情發展比我們想像來得更快....希望大家不會介意

8月14又跳樓

我最近跟朋友醉心研究ALGO TRADE，運作14日純FX,  本金25萬暫時多了 萬4，成績不錯，正在測試他的 Draw back幅度，過幾個月有機會跟大家分享
今日港股因土耳其問題，侵侵的策略弄得危機處處
美股雖然未受影響，但我已先行走人，港股更加跟市做低尋底，700已先止賺再定方向，其他都是REITS未有太大危機，沒有槓干
反而FX亂中只有美金不停上升，ALGO就更多出入而獲利，亦打中7.85沽盤 USD/HKD
今次跳樓有幾隻打穿了上次股價低位，今次沒有手痕，只等更化算的機會再出現，其他的交電腦作戰，我二等兵還是乖乖食息過活

飛刀反手放出

上回講接飛刀，我不是喜歡FB或特別深入研究，我只是見到有機會
https://amgrowth.blogspot.com/2018/07/blog-post_27.html

操作已經完成，2星期食了7.5%面價，槓桿沒有計，所得全數買入又一城
我會對股票定一個估值(Valuation)，有睇報告的有自己預計的，
當股票不是因基本公司運作出問題而調整，那就是人為了
人為一般都是沽空，壞消息，平倉，反彈
而每次因人為而低於估值都是undervalued, 反之就是有溢價(Overvalued)
明白價值投資就會見到飛雲，人為出錯而價值低了就要出絕招

FB有FB獨有的問題，最錯是大大相約沽貨，也不在這里詳細研究，
本來FB也不在我組合內，到自己目標價而放貨，一年總有幾次這類機會投資可以入市...
多謝Zuckerberg